Lévé, nanm mouin, ak solèy la

Lévé, nanm mouin, ak solèy la,
Konmansé tach ou jodi a.
Prémié bagay ou gin pou fè
Sé loué Bon-Dieu ak tout kè.

Pi-nga ou gaspiyé tan ou!
Viv jodi a kou dènié jou;
Anplouayé talan ou yo biin,
Nou tout va jujé a la fin.

Tout paròl ou yo doué sinsè,
Konsians ou doué toujou klè;
Paské Dieu ouè tou sa ouap fè,
Li konn tout pansé nan tout kè.

Kè mouin, sé pou ou lévé tou,
Tout anj yo va chanté ak ou.
Yo-minm, yo pap janm fatigé
Loué, béni, sèvi Bon-Dieu.

Bon-Dieu, mouin vlé di Ou mèsi,
Ou té protéjé-m lè-m dòmi,
Lè mouin dòmi pou dènié foua
Fè-m lévé dévan Ou ak joua.

Mouin vlé rémèt mouin nan min Ou,
Nétouayé kè-m ak léspri-m tou.
Gidé volonté-m a chak kou
E ranpli mouin ak Léspri Ou.

Gidé-m, Ségnè, m-vlé Ou kondui
Tou sa-m pou pansé, fè ou di.
Pou tout fòs mouin kapab sèvi
Pou la gloua Ou, Ségnè Jézu.

Béni Bon-Dieu kap rinmin nou,
Béni Li tout moun tou patou.
Béni Pitit Li, Jézu-Kri.
Béni Pè, Fis é Sint-Espri.