Nan fon labim map rélé Ou

Nan fon labim map rélé Ou,
O kouté mouin, Ségnè!
Sé nan Ou sèl mouin jouinn sékou
Pou-m pa dézéspéré!
Si ou ta sonjé tout péché
Pou puni chak, kon sa doué yé,
Ki moun kab rézisté Ou?

Gras a lamou, nou jouinn nan Ou
Padon péché nou yo.
Justis nou-minm pa bon du tou,
Zèv nou sé bagay fo.
Nou pa gin doua vanté tèt nou
Pou angnin bon kap fèt nan nou;
Sé gras Ou sèl kap fè li.

Tout éspoua-m sé nan lé Ségnè,
Zèv mouin pa vo angnin,
Sé pa sou yo mouin kalkulé,
Tout foua-m sé nan Li-minm.
Mouin kité tout choz nan min Li,
Li sé fòs mouin, Li sé la vi,
Map tann ak foua sékou Li.

Minm si Li pa édé-m tou suit,
Si m-oblijé tann lontan -
Dé jou pasé é minm dé nuit,
San m-pa kapab konprann;
Kè mouin pap janm pèdu la foua,
Li pap bandonné mouin nan noua:
Map tann sékou-L ak konfians.

Péché nou yo, yo tèlman gran,
Chut nou té tèlman fon!
Min gras Li sé pi konsékan -
Amou Li gran san non!
Bèjé nou, Sovè nou, sé Li
Ki vlé bay tout moun yo la vi -
Sové yo nan min Satan.